කල්පිටිය කන්දකුලිය ප්‍රදේශයේ පිහිටි ශ්‍රී ලංකා ගුවන් හමුදා කඳවුරේ වෙඩි පිටියේ සිදුවූ පිපිරීමකින් ගුවන් හමුදා සෙබළකු ජීවිතක්ෂයට පත්විය.
පුහුණු කිරීමක් අතර තුර සිදු කළ බෝම්බ නිෂ්ක්‍රිය කිරීමකදී මෙම පිපිරීම සිදු වී ඇති අතර එම අනතුරෙන් නායක ගුවන් භට එල්.ඒ.සී. රණසිංහ මිය ගොස් ඇත. ගුවන් හමුදා ආරංචි මාර්ගවලට අනුව ඔහු පොල්ගහවෙල උඩපොල පදිංචි එක්දරු පියෙකි.
මෙම අනතුරෙන් තවත් අයෙකු තුවාල ලබා ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් නිලධාරි නිහාල් තල්දුව මහතා පැවසීය.