ඇමරිකාවේ ලොස් ඇන්ජලිස් නුවර පැවති ඔස්කාර් සම්මාන උළෙලේ හොඳම ඇඳුම් නිර්මාණය සඳහා සම්මානලාභියා නිවේදනය කිරීමට සුපිරි මල්ලව පොර ක්‍රීඩක ජෝන් සීනා නිරුවතින් පැමිණීම ලොව පුරා අවධානයට ලක්වී තිබේ. පසුගියදා 96 වැනි වරට පැවැති ඔස්කාර් සම්මාන උළෙලේ වේදිකාවට ඔහු ගොඩ වී ඇත්තේ උපන් ඇඳුමින් වන අතර පසුව නිවේදකයා අත තිබූ සම්මාන ලාභියාගේ නම ඇතුළත් විශාල කවරයකින් විලි වසා ගන්න ආකාරය දැක්වෙන වීඩියෝ පටය සමාජ මාධ්‍ය ජාලයේ සංසරණය වේ. පසුව තරග සංවිධායකවරුන් පැමිණ ජෝන් සිනාට ඇඳුමක් අන්දවන ආකාරයත් පසුව ඔහු සම්මානලාභියා නිවේදනය කරන ආකාරයත් එම වීඩියෝ පටයේ වැඩිදුරටත් දැක්වේ. සම්මාන උළෙලට පැමිණ සිටි ආරාධිතයන් සහ නළු නිළියන් විනෝදය සඳහා එය කලින් සැලසුම් කරලා තිබූ බවද වාර්තාවේ.