ශ්‍රී ලංකා පාසල් ජල ක්‍රීඩා සංගමය විසින් වාර්ෂිකව සංවිධානය කරනු ලබන මයිලෝ කුසලාන පාසල් පිහිනුම් හා කිමිදුම් තරගාවලිය ලබන 23 වැනිදා සිට 27 වැනිදා තෙක් කොළඹ සුගතදාස පිහිනුම් තටාකයේදී පැවැත්වේ.
දින පහක් පුරා කොළඹ සුගතදාස පිහිනුම් තටාකය පැවැතේ පැවැත්වෙන මෙම තරගාවලිය සදහා වයස් කාණ්ඩ 6 ක් නියෝජනය කරමින් ක්‍රීඩක ක්‍රීඩිකාවන් 5000කට අධික ප්‍රමාණයක් පාසල් දෙසිය පනස් දෙකක් නියෝජනය කරමින් සහභාගි වීමට නියමිත බව ඒ පිළිබඳව පැවති මාධ්‍ය හමුවේ දී අනාවරණය කෙරිණි.
මෙම පිහිනුම් තරගාවලිය 48 වැනි වරට පැවැත්වෙන අතර නෙස්ලේ ලංකා සමාගමේ මයිලෝ අනුග්‍රහයෙන් පැවැත්වෙන 29 වැනි තරගාවලිය ලෙස මෙම තරගාවලිය සැලකේ.
මාධ්‍ය දැනුවත් කිරීම සඳහා නෙස්ලේ ලංකා සමාගමේ උප සභාපති බන්දුල එගොඩගේ මහතා, රුවන් වැලිකළ මහතා මෙන්ම ශ්‍රී ලංකා පාසල් ජල ක්‍රීඩා සංගමය සභාපති චාන්දනි උඩුකුඹුර මහත්මිය ඇතුළු ජ්‍යෙෂ්ඨ නිලධාරීහු එක්ව සිටියහ.